Jaizkibelgo harkaitzak hizpide
“Jaizkibelgo altxorrak” ekimenaren barruan kokatzen da Jaizkibelgo harkaitzei buruzko hitzaldia. Jose Maria Hernandezek, Geologia Zientzietan doktore denak, eskainiko du.
![](https://bidasoa.hitza.eus/site/files/2022/10/jaizkibel-1.jpg)
Jaizkibelgo flora eta fauna kontserbatzeko, babesteko eta sentsibilizatzeko ekimena da Jaizkibelgo altxorrak erakusketa. Alabaina, Eguzki talde ekologistak Hondarribiko Udalarekin eta Arma Plaza Fundazioarekin elkarlanean antolaturiko erakusketaz gain, hainbat jarduera antolatu dituzte. Horren barnean kokatzen dira beraz ostiralean Jose Maria Hernandezek emango duen hitzaldia eta larunbatean gauzatuko den bisita gidatua.
Jaizkibelgo harkaitzek kontatu nahi digutena hitzaldian Jose Maria Hernandezek, Geologia Zientzietan doktore denak, Jaizkibelen erraz aurki daitezken harkaitzen inguruan hitz egingo du hilaren 28an, Kultur Etxean, 19:00ean. Hurrengo egunean hitzaldian ikasitakoa bertatik bertara ikusteko aukera egongo da ontziz egingo den bisita gidatuaren bidez. Benta zaharretik 11:30ean abiatuko da ontzia.