Sailkapenean gora egin nahi du Zaisa Txingudik
Iruñean jokatuko du bigarren jardunaldia gizonezkoen senior taldeak. Aldiz, 14, 16 eta 18 azpikoen lehen lehia izango da asteburukoa.
Aurreko denboraldiko Bera Bera B-ren aurkako partiduko melea. Iruñeko La Unica B-ren aurka arituko da larunbat honetan Txingudi Zaisa errugbi taldea, nafarren zelaian. Lehia 16:00etan hasiko da eta Bidasoko ia jokalari guztiak joango dira, Aitor Asurmendi, “Lutxo” Etxebarria eta Itoiz Martin oraindik konfirmatu gabe.
Senior Gizonezkoen Ohorezko B mailan jokatzen ari da talde bidasoarra eta laugarren postuan daude sailkapenean; iruindarrak bosgarren dira. Biak ala biak azken jardunaldia galtzetik joango dira partidara.
14, 16 eta 18 azpikoak
Zaisa Txingudiren gazte taldeek denboraldia hasiko dute asteburu honetan eta lehen partida puntuagarria izango da hiru taldeentzat.
Gazteenek, 14 urtez beherakoek zeintzuk Baztanekin batera osatzen duten taldea, Lekarozera joango dira zazpiko errugbiko topaketan parte hartzera larunbatean. Beraiekin batera, Ordiziako bi talde, Bera bera eta Zarautz-Beltzak egongo dira eta denek 11:00etan hasiko dute jokoa.
16 urtez azpikoek Rioja, eta 18 urtez azpikoek Zarautz jasoko dituzte Plaiaundin, larunbatean ere 10:30etan eta 11:30etan, hurrenez hurren.
