Elikadura eta sukaldaritza osasuntsua uztartuz
Datozen hilabeteetan hainbat hitzaldi eta tailer antolatu dituzte Elikaeskolan. Gorputzarekiko presioaz eta elikadura nahasteez arituko dira besteak beste.
![Harresilanda kalean kokatuta dago Eli Gallegok sortutako Elikaeskola.](https://bidasoa.hitza.eus/site/files/2021/07/elikaeskola.jpg)
Elikaeskola Hondarribian kokaturik dagoen dietetika eta nutrizio zentroa da. Pandemiaren ondoren egindako kontsultetan gorputzarekiko presio eta elikadura nahasmenarekin zerikusia duten portaerak areagotu egin direla atzeman dituzte. Egoera honekin amaitzeko eta familiei laguntzeko asmoz hitzaldi eta tailer ugari antolatu dituzte datozen hilabeteetarako.
Gaurtik hasita otsailera bitarteko programazioa prestatu dute:
Hitzaldietan, dietak, elikadura nahasmenduak, gorputzarekiko presioak, haurdunaldian jarraitu beharreko elikadurak edo haurren elikadura izango dituzte hizketagai. Doako hitzaldiak izango dira eta aforoa mugatua izango da. Tailerretan, berriz, gozo, barazki eta janari osasuntsuak prestatzen erakutsiko dute. Bi orduko ikastaroak izango dira. Gutxieneko aforoa 5 pertsonekoa izango da eta gehienez 8 pertsoneko taldeak osatuko dira. Aldez aurretik izena eman beharko da email bidez edo whatsapp bidez (618477803). Tailer bakoitzak 48euro balio du. Tailerren egutegia elikaskolaren webgunean.