'Los Viajes de Aspasia' ikastaroetako matrikulazioa, ixtear
Maria Jose Maurak ematen dituen ikastaroetako bat Irunen egingo da udazkenean zehar, asteartetan, El Pilar eskolan. Matrikulazioa online egin behar da.
'Los Viajes de Aspasia' ikastaroak. Udazkenean zehar eskainiko diren ‘Los Viajes de Aspasia’ ikastaro kulturalen matrikulazio epea ixtear dago. Ikastaro horietako bat, ‘Las mujeres en la Historia del Arte’ izenekoa, Irunen egingo da urritik abendura. Ikastaro hori presentziala izango da, eta Maria Jose Noain Maura arkeologo eta historialariak emango ditu klaseak.
Hamar saiok osatzen dute ikastaroa, asteartetan izango dira Irungo El Pilar eskolan, 18:00etatik 19:00etara, eta lehena urriaren 4koa izango da. Ikastaroaren prezioa 60 eurokoa da, eta matrikulazioa online egin behar da. Online galdetegia beteta, mezu bat bidaliko zaie izena eman duten pertsona horiei, plaza konfirmatzeko eta ordainketa nola egin azaltzeko.
