Iratxe Sorzabal Espainiaratu dute, Estremerako kartzelara

Frantziako kondena bukatuta, Espainiako Auzitegi Nazionalak ezarritako 24 urteko kondena Madrilgo Estremerako kartzelan beteko du.

Alaine Aranburu Etxegoien

Irun

2022/09/12

Frantzian ezarri zioten kondena bete ondoren, Estremerako (Madril) espetxera mugitu zuten ostiralean Iratxe Sorzabal preso irundarra, Etxeratek jakinarazi zuenez. 2015etik da preso Sorzabal eta ordutik Reau (Frantziako) kartzelan egon da, etxetik 925 kilometrotara.

Otsail hasieran epaitu zuten Espainiako Auzitegi Nazionalean eta 24 urte eta sei hilabeteko zigorra ezarri zioten, fiskalak, Estatuaren abokatuaren ordezkariak eta AVT Terrosimoaren Biktimen Elkarteko abokatuak 36 urtera kondenatzea eskatu bazuten ere. Epaiketa horretan Sorzabalek tortura pean zegoela egin zituela errunduntzat jotzen zizkioten adierazpenak berretsi zuen.

Bi arnas, Donostiako Zinemaldian

Iratxe Sorzabal eta Mari Nieves Diazen arnasari erreferentzia egiten dion Bi arnas dokumentala maiatzaren 22an estreinatu zuten Irungo Amaia KZn, eta hurrengo astean Donostiako Zinemaldian proiektatuko dute. Irailaren 22an, osteguna, Principe zinemetan 20:30ean eskainiko dute eta bigarren data 23rako finkatu dute, 20:00etan Principe aretoetan ere.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.