Abuztuko bidaiariak %77an igo dira 2019arekiko
Donostiako aireportuak 42.231 bidaiari jaso ditu abuztuan zehar. Urteko datuei erreparatuz, goranzko tendentzia izan dute bidaiari kopuruek.
Donostiako aireportua. Donostiako aireportuak abuztuko bidaiari kopurua %77an igo du 2019ko datuekin alderatuta. Orotara, 42.231 bidaiari jaso ditu aireportuak abuztuan. Bestalde, urtarrila eta abuztua bitarteko bidaiari kopuruari erreparatuz, guztira 242.603 pertsona pasa dira aireportutik. 2019ko datuekin alderatuta, %15,4ean igo da bisitari kopurua aurten.
Operazioei dagokionez, abuztuan 599 lurreratze eta aireratze erregistratu dira. Horrez gain, urteko lehen zortzi hilabeteetan 3.625 hegaldi jaso ditu aireportuak.
Momentu honetan Donostiako aireportuak Madrilera, Bartzelonara, Sevillara, Malagara, Kanaria Handira, Mallorcara eta Menorcara ditu ohiko konexioak.
