Kolstad talde Norvegiarrarekin jokatuko du Bidasoak Europako Ligan
Gaur egin dute zozketa Vienan eta Artalekun jokatuko dute lehen partida irailaren 27an.
Bidasoak Europako txartela lortu du laugarrenez. Argazkia: Arrate Morales. Bidasoa Irunek Kolstad Håndball taldearen kontra jokatuko du EHF European Leagueko Bigarren Kanporaketa. Lehenengo neurketa Artalekun jokatuko dute irailaren 27an, eta bigarrena, urriaren 4an, Trondheimen (Norvegia).
Gaur egin dute Vienan zozketa eta Norvegiako taldearekin tokatu zaio, iazko ligako laugarren sailkatua eta Christian Berge entrenatzaile duena, herrialde horretako selekzioko hautatzaile ohia da bera. Jokalari esanguratsuenen artean Magnus Gullerud, Arnór Smarason eta Sigvaldi Guojónssonen aipa daitezke.
Borja Burguete Bidasoa Irun taldeko bigarren entrenatzaileak ez dela partida erraza izango aitortu du: “Badakigu ez dela bat ere ez erraza izango, baina espero parekatua egotea. Ikusiko dugu euren maila erreala. Bitartean, ilusio askorekin gaude. Esperientzia polita da eta multzo fasera pasa nahi dugu. Horretarako, gure mailarik onena eman beharko dugu”.
