Oiasso Museoa EHUko Udako Ikastaroetan izango da
'Ondarearen kudeaketa eta hedapena espazio digitalean' ikastaroa emango dute, irailaren 1ean, Oiasso Museoan.
Oiasso Museoko pieza bat. Oiasso Museoa eta EHUko Udako Ikastaroen Fundazioak 15 urte daramatzate elkarlanean, eta aurten, elkarlan horretatik ikastaro bat eskainiko du museoak Udako Ikastaroen programaren barruan: Ondarearen kudeaketa eta hedapena espazio digitalean. Bildumak katalogatzea et a online argitaratzea Dedalo sistemarekin. Ikastaroa Alejandro Peña (Render SL) eta Manuel Gonzalbes (Valentziako Historiaurreko Museoa) eskainiko dute.
Valentziako Historiaurreko Museoan katalogazio integralaren metodoa garatu dute, eta, hain zuzen, Render SL enpresarekin batera jarri dute martxan katalogatzeko sistema hori. Oiasso Museoak gogorarazi duenez, museoek informazio ordenatua, osoa, eguneratua eta koherentea izan behar dute uneoro, bildumak eta jarduerak zorrotz kontrolatzeko.
Ikastaroa irailaren 1ean (osteguna) izango da, eta doan eman daiteke izena. Horretarako 943 639353 telefonora deitu edo info-oiassomuseo[abildua]irun.org -era idatzi behar da.
Egitaraua
- 09:00-11:00: Bilduma eta inbentarioen kudeaketa (Dedalo)
- 11:00-11:30: Atsedenaldia
- 11:30-13:30: Datu normalizatuak eta argitalpen digitala. Kudeaketa jasangarri baterantz.
- 15:30-17:30: Kudeaketa eta argitalpena, kasu praktikoak: fitxatik APIra.
