Jarduera ekonomikorako guneak "klik" baten eskura
Bidasoa Bizirikek salgai edo alokairuan dauden lokal edo pabilloiak modu erraz eta azkar batean aurkitzeko webgune bat prestatu du.
Maria Serrano Bidasoa Biziriken lehendakari ordea eta Miguel Angel Paez Bidasoa Biziriken lehendakaria webgunearen aurkezpenean. Hondarribiko eta Irungo Udalak, Bidasoa Biziriken bitartez webgune berri bat martxan jarri dute eskualdean jarduera ekonomikorako lokal edo pabilloiak bilatzen dituztenentzat.
Webgune honetan modu erraz eta azkar batean salgai edo alokairuan dauden guneak aurkituko dituzte. Lokal edo Pabilloi bakoitzak bere fitxa izango du eta bertan, haren inguruko datu, ezaugarri, kokagune eta helbidea agertuko dira besteak beste.
Bestalde, webgunea berriak, gune horien erregistro eguneratua izatea ahalbidetuko du. Hala, Maria Serrano Bidasoa Biziriken lehendakari ordearen bitzetan, beharrezko informazio guztia “klik” baten eskura izango dute interesdunek.
