Gibeleta kaleko hobekuntza lanak amaitu dituzte
Lan hauek 'Kalez kale Hondarribia hobetzen' programaren barneko lanak dira eta aurreikusitako epean amaitu dira.
Gibeleta kaleko lanak amaitu dituzte. Hilaren 6an hasi zituzten Mendelu auzoko Gibeleta kalean asfaltatze, fresatze eta margotze lanak. Hondarribiko Udalak azaldu duenez hobekuntza lan hauek aurreikusitako epean amaitu dituzte.
‘Kalez kale Hondarribia hobetzen’ programak bost eremu hartzen ditu: Donostia Kalea, Kosta kalea, Harresilanda Kalea, Gibeleta Auzoa eta Sabin Arana. Gibeleta kaleko obren aurrekontua 165.593,21 eurokoa izan da eta guztira ‘Kalez kale Hondarribia hobetzen’ programaren aurrekontua 3.329.404,07 eurokoa da.
Gonzalo Carrionek, Obra eta Zerbitzuetako zinegotziak azaldu duenez, programa erritmo onean doa eta hasieran ezarritako epeak betetzen ari dira. Era berean, herritarren jarrera eskertu nahi izan du, “oso jakitun gara eta obrek eragozpenak sortzen dituztela”.
