Turismoaren Kode Etikoari atxikitzeagatik aintzatespenak jaso dituzte
18 turismo eragile izan dira (Bidasoa bizirik barne) aintzatespenak jaso dituztenak. Erantzukizun sozialak, eta ingurumen eta ekonomia iraunkortasuna turismo eragileen egunerokotasunean txertatzea helburua du kode etikoak.
Gaur goizean Atalaia Hotelean jaso dituzte aintzatespenak. Gaur goizean eskualdeko 18 turismo eragilek (Bidasoa bizikik barne) Eusko Jaurlaritzaren aitorpena jaso dute Turismoaren Kode Etikoari atxikitu izanagatik. Atxikimenduarekin, “gure kultura babestu eta zaintzearen aldeko apustua” egiten dutela azaldu du Miguel Angel Paez Bidasoa bizikeko lehendakariak. Kode etiko hau Basquetour Turismo Euskal Agentziak egindakoa da eta erantzukizun sozialak, eta ingurumen eta ekonomia iraunkortasuna egunerokotasunean txertatzea helburua du.
Zehazki, Villa Magalean Hotel & Spa, Bidatour, Ekoetxea Txngudi, Parking Jaizubia, Marei Azafatas, Iketetxe, Navegavela, Jolaski, Conservas Hondarribia, Atalaia jatetxea, Oiasso museo, el hotel ETH Irun, Hotel Atalaia, Hotel Jauregui, Pensión Europa, Hotel Aitana, Goiznabar landa-turismosa eta Bidasoa bizirik dira Turismoaren Kode Etikora atxikitu diren eragileak.
Atalaia Hotelean jaso dituzte aintzatespenak. Bezeroekin eta ingurumenarekin turismo jasangarri baten alde duten konpromisoa erakusteko modua dela azaldu du bertan Iratxe Elsok, Nabegavelako kideak.
Bidasoa bizirikek Eusko Jaurlaritzarekin batera eskualdeko agenteen atxikimendua finantzatu duela gaineratu nahi izan du Maria Serranok, Bidasoa bizirikeko lehendakari ordeak.
