Kontzertu pedagogikoen balorazio positiboa egin du udalak
2.688 ikasle izan dira entzule eta erantzuna positiboa izan dela adierazi du Santi Jimenez Hezkuntza zinegotziak.
Hezkuntza arloak koordinatzen dituen kontzertu pedagogikoak amaitu direla jakinarazi du udalak. Ekimen hori Irungo ikastetxeetako ikasleek musika mota desberdinetara joatea du helburu, eta 20.589,14 euroko inbertsioa egin dute.
Musika ezagutzeko modu desberdina dela adierazi dute antolatzaileek, “musika zirkuitu komertzialenetatik urrun” dagoelako, eta ikasleen beharretara egokitzen dituztelako, hala esan du Santi Jimenez ordezkariak. Balorazio positiboa egin du, erantzuna positiboa dela adieraziz.
Orotara 2.688 ikaslek hartu dute parte, Lehen Hezkuntzako 2. maialtik DBHko 3. mailartekoak. Guztira 13 saio egin dituzte, horietatik zazpi zuzenean. Oholtzara igo direnak honako hauek izan dira: Kontserbatorioko orkestra, Skola Musik, Albada, Ametsa Txiki abesbatza, Esther Barandiaran/Amaia García, Donato Goyeneche hirukotea; Irungo txistularien taldea; eta Luis Mariano lirika-elkartea.
Jimenezek artista, musikari eta ikasleei eskerrak eman dizkie aukera hau aprobetxatzeagatik “bereziki garrantzitsua izan baita egoera honetan”.
