Jarduera fisikoa sustatzeko miliak egingo dituzte igandean
Adinekoak, haurrak eta aniztasun funtzionala daukaten herritarrei zuzendutako ekintza izango da.
Osasunaren Aldeko Miliak Igande honetan, hilak 19, Osasunaren Aldeko Miliak iniziatiba bueltatuko da Irungo kaleetara. Goizean zehar hainbat ekintza egingo dituzte adineko, haur eta aniztasun funtzionala daukaten herritarrengana zuzenduta. Helburua, jarduera fisikoa herritarren sektore guztietara zabaltzea.
Iniziatibaren atzean, BAT Bidasoa Atletiko Taldea, Salto Systems eta Irungo Udala daude.
Ekitaldia adinekoekin hasiko da: 09:30etik aurrera, Ttipi Ttapa Paseo Osasungarria. Ondoren, errelebo lasterketa egingo dute 4×1 milia. Paraleloki, 4×1 milia lasterketa egingo dute DBHko zentroetako ikasleekin. 11:00etan, berriz, desgaitasun fisikoa daukatenen txanda iritsiko da, gurpildun aulkian edo handbike-etan. Jarraian, desgaitasun psikikoa daukaten pertsonei pasatuko diete lekukoa. 11.30ean, berriz, Juanma Garate Txiki Duatloia egingo dute, eta, goiza Gipuzkoako Minbiziaren Aurkako Elkartearen aldeko martxarekin bukatuko dute.
Izena aurretik eman behar da, eta bildutako dirua Gipuzkoako Minbiziaren Aurkako Elkarteari emango diote. Informzio gehiago BATen webgunean.
