BATeko neskek Ohorezko Mailan jarraituko dute
Zailtasunez betetako denboraldia izan da neskentzat, eta azken jardunaldira arte jaitsiera postuetan egon dira.
BATeko neskek Ohorezko Mailan mantentzea lortu dute. BAT Bidasoa Atletiko Taldeko neskak salbatu dira. Donostian jokatzekoan ziren azken jardunaldian erabakitzen zen Ohorezko Mailan jarraituko zuten ala ez, eta, azkenean, helburua lortuta bukatu dute liga. 4×400 erreleboetan lortu zuten salbatzea.
Lehen bi jardunaldietan azkeneko tokian geratu ondoren, helburua seigarren amaitzea zen, mailaz ez jaisteko. Helburua zaila bazen, zailtasunak pilatu egin zitzaizkien BATeko neskei, Teresa Errandonea, Maria del Mar Jover eta Irune Muguruza bajekin.
Neskek, ordea, jardunaldi biribila egin zuten, proba bakoitzerako egindako iragarpenak irauliz. Ez zen ibilbide erraza izan, errelebo motzean azkenak geratu baitziren; 4×400 erreleboan, berriz, Angela, Junkal, Mae eta Alaznek primerako laukotea osatu zuten.
Garaipen bakarra Belen Bermejok lortu zuen 53,20 metroko mailu jaurtiketarekin.
