Gipuzkoako bandera lortu dute aulki mugikorrean Santiagotarrak-eko seniorrek
Azken jardunaldia Legution izan da, eta bost garaipen eskuratu ditu.
Santiagotarrak-eko txapeldunak. Santiagotarrak-eko aulki mugikorreko taldeek bukatu dute Gipuzkoako Liga. Azken estropada Legution jokatu zuten, eta Irungo taldeak bost garaipen eskuratu zituen. Horiei esker, seniorren taldeak Gipuzkoako bandera eraman du. Bestalde, bigarren geratu dira Gazte Mailan, hirugarren Kadete Mailan eta laugarren Haur Mailan.
Honako arraunlariak izan dira garaileak: absolutuetan, Ainhoa Zapirain skiff, Ioritz Telleria eta Asier Regueiro scull bikoitzean; gazteetan, Xabi Etxebeste, Alex Conde, Ander Ibargoien eta Pablo Martinez Lacar scull laukoitzean, eta Ane Calvo eta Maitane Zapirain scull bikoitzean; eta kadeteetan Leire Navaridas skiffean.
Santiagotarrak-ek 22 ontzi eta 61 arraunlari eraman zituen.
Zazpi jardunaldi jokatu ditu Santiagotarrak-ek, eta otsailaren 27an hasi zen.
