Egiptologia izango da protagonista Oiasso museoan hilaren 17an
Myriam Seco Alvarez, Historian doktorea eta egiptologian adituak hitzaldia eskainiko du Europako Arkeologia Jardunaldien baitan.
Europako Arkeologia Jardunaldiei batu zaio Oiasso museoa eta EHUrekin elkarlanean Tutmosis III.aren Milioika Urteetako tenpluko aztarnategia Luxorren: 2008-2021 izeneko hitzaldia eskainiko du Myriam Seco Alvarez doktoreak ekainaren 17an 19:00etan.
Tutankamon faraoiaren hilobia aurkitu zutenaren mendeurrena da 2022.urtea eta historiako aurkikuntza arkeologikorik “handienetakoa” gisa kalifikatu du antolakuntzak. Hori dela eta, urte osoan zehar ibili da museoa hitzaldi ziklo bat eskaintzen–batez ere martxoan egin zituzten– eta datorren astekoa jarraipena izango da.
Egiptologoa da hitzaldiaz arduratuko den Seco, baita Historian doktorea eta arkeologoa ere. Oro har, esperientzia handia du Egiptoko indusketa arkeologikoetan eta gai horren gaineko artikulu eta lan mordoa idatzi ditu.
Sarrera librea da leku guztiak bete arte.
