Iganderon txokoa izango du bigarren eskuko azokak
Edornork parte har dezake aurrez izena emanda eta 12 mahai jartzeko aukera izango da. Hileko lehen igandeetan jarriko da azoka hau.
Igandero dinamikari hileko lehen igandeetan bigarren eskuko azoka batuko zaio, 10:30etatik 14:30era bitartean. Udalak azaldu du aurrekontu parte hartzaileetan jasota proposamenari tiraka sortu dutela.
Txoko jarri ahal izateko izena eman behar da aurretik HAZen, edota helbide elektroniko honetara mezu bat bidalita, eta gehienez 12 pertsona ahalko dira inskribatu. Jende gehiagok interesa adieraziz gero, itxaron zerrenda bat sortuko dute eta behar izanez gero hots egingo dute hurrenkeran. Lehentasuna emango diote aurretik parte hartu ez dutenei, eta ez da zertan irundarra izan behar azokan mahaia jartzeko.
Orain arte Eskuz lan elkarteak azoka egiten zuen eurek bakarrik igandeetan, eta orain, bigarren eskukoa eta artisauena batu egingo dira hileko lehenetan.
