Sutea piztu da Casto Cantero kalean, eta 2 lagun ospitalera eraman dituzte
Bart gauean piztua da sua, 02:00etan, eta 11 lagun artatu behar izan dituzte kea arnasteagatik.
Suhiltzaileak Casto Cantero kalean. Sutea izan da bart gauean Irunen, Casto Cantero kaleko 4. zenbakiko etxebizitza batean, Uranzun. 02:00ak aldera piztu da, eta suhiltzaile, Ertzaintza eta larrialdi zerbitzuak bertaratu dira. Berehala atera dituzte etxebizitzetatik bizilagunak, 50 bat lagun.
Larrialdi zerbitzuek 11 lagun artatu dituzte kea arnasteagatik, eta bi lagun ospitalera eraman dituzte.
Une hauetan udal ordezkariak sutea piztutako tokian dira, eta haren gaineko nondik norakoak emango ditu Cristina Laborda Udaltzaingoaren ordezkariak.
