16 domina irabazi ditu etxean Santiagotarrakek
Etxean, Eslaloneko Euskadiko Kopako bigarren proba eta Extrem Eslalonaren Euskadiko Txapelketak egin ziren asteburuan. Aldiz, Eslovenian, Eslaloneko Europako Txapelketa burutu zen.
San Migelen egon zen ur bizietako taldea. Aurreko asteburuan, maiatzak 28 eta 29, Eslaloneko Euskadiko Kopako bigarren proba eta Extrem Eslalonaren Euskadiko Txapelketak egin ziren San Migelen, eta Santiagotarrak taldeak taldekako bigarren postua eta 16 domina eskuratu zituen: lau urrezko, sei zilarrezko eta sei brontzezko.
Urrea irabazi zuten Javier Arruabarrena K1 juniorrean, Unai Santacruz K1 kadetean, Ander Diaz K1 beteranoan eta Oier Diez C1 kadetean.
Bestetik, zilarrezko domina eskuratu zuten Mikel Altunak K1 seniorrean, Maialen Olasok C1 juniorrean, Oier Diezek K1 kadetean, Ainara Azanzak K1 eta C1 kadetean eta Xabier Tabernak K1 beteranoan.
Azkenik, brontzezko domina poltsikoratu zuten Lauren Lacabanek K1 eta C1 kadetean, Haritz Azanzak K1 seniorrean, Maialen Olasok K1 juniorrean, Edurne Gomezek K1 seniorrean eta Aitor Iriondok C1 juniorrean.
Sei domina Santiagotarrakentzat Extrem Eslalonaren Euskadiko Txapelketan
Igandean, Extrem Eslaloneko Euskadiko Txapelketa egin zen eta bertan etxeko taldeak sei domina eskuratu zituen: bi urrezkoak, Haritz Azanzak seniorrean eta Oier Diezek k1 kadetean; Zilarrezko bi Izar Garciak K1 juniorrean eta Lauren Lacabanek K1 kadetean; brontzezko lau Aimar Aranak K1 seniorrean, Aitor Iriondok K1 juniorrean, Oier Diezek K1 kadetean eta Ainara Azanzak K1 kadetean.
Ur bizietako piraguistek ekainaren 11n dute hurrengo hitzordua Ortheze (Biarno) herrian. Bertan Eslaloneko Euskadiko Kopako proba egingo da.
Europako Txapelketa
Esloveniako Liptovsky-Mikulas hirian egin zen Europako Eslaloneko Txapelketa.
Esloveniako Liptovsky-Mikulas hirian ere eduki du ordezkaritza joan den asteburuan Santiagotarrakek, bertan egin baitute Eslaloneko Europako Txapelketa. Klara Olazabal K1ean, eta C1ean Extremean aritu zen; Joan Crespo K1ean eta Extremean; Ander Elosegi C1ean. Hiruetatik Elosegik bakarrik eskuratu zuen domina bat, C1 patruilleta
n brontzezkoa, zehazki. Berarekin batera aritu ziren Miquel Travé et Luis Fernandez.
Banakako lehian hiruetatik inork ez zuen finalerako sailkatzea lortu. Hurrengo txapelketa Eslaloneko Munduko Kopako lehenengo proba izango da Pragan ekainaren 10etik aurrera.
