Aniztasunaren ekitaldia, Oiassoko oholtzara
Ekainaren 3an gozatu ahalko da ikuskizun honetaz eta sarrerak dagoeneko eskura daitezke Oiasso museoan. Beste bi emanaldi egingo dituzte Chillida Lekun eta Topic Tolosan.
Aniztasunaren ekitaldia egingo dute Oiasso museoan, Chillida Leku eta Topic Tolosa museoekin egindako elkarlanaren ondorioz; Gipuzkoako Foru Aldundiak ere babestu die. Musika eta dantza emanaldiak hiru museoetan eskainiko dituzte “arteak ez duela mugarik” erakusteko eta museoek etorkizun justu eta iraunkorra eraikitzeko duten balioa berresteko asmoarekin.
Oholtza gainean arituko dira Iñaki Salvador, Jakes Txapartegi, Simon Ezkiaga, Ezezagunok Antzerki Konpainia, Ibarrako Garagune zentroko Antzerki Tailerra eta Verdini Dantza Taldekoi kideak. Aurkezlea Emma Larreta izango da.
Egutegia
- Ekainaren 3an Oiasso Museoan, 19:00etan.
- Ekainaren 4an TOPIC-Tolosan, 19:00etan.
- Ekainaren 5ean Chillida Lekun, 12:00etan.
Gonbidapena edonori zabaldu diote arduradunek “artista hauen gaitasun handiaz gozatzeko, parte hartzeko eta konpartitzeko”. Ekitaldirako sarrerak 5 euro balio dute eta hiru museoetan daude eskuragarri.
