Udal Gune Sozialetako atezaintza zerbitzua indartu dute
Luis Mariano eta Lekaeneako Adinekoentzako Udal Guneetan atezaintza zerbitzuaren ordutegia luzatu eta Iraso Udal Zentroan atezaintza zerbitzua ezarri dute.
Atzo Udal Gune Sozialetako atezaintza zerbitzuaren kontratu berriaren nondik norakoak azaldu zituzten. Gizarte Ongizate arloak Irungo Udal Zentro Sozialetako atezaintza zerbitzuaren kontratu berriaren nondik norakoak azaldu zituen. Kontratu berri honen bidez, atezaintza zerbitzua indartu nahi izan dute, erabiltzaileen eskariei erantzuna emanez.
Luis Mariano eta Lekaeneako adinekoentzako udal guneetan atezaintza zerbitzuaren ordutegia luzatu egin dute eta Iraso udal zentroan, berriz, atezaintza zerbitzua ezarri dute.
Atezainek honako jarduerak burutzen dituzte, besteak beste, jarduerak antolatzen laguntzen dute, instalazioen baldintzak ikuskatzen dituzte edo erabiltzaileei laguntza eskaintzen diete.
Atezainen ordutegi berriak:
- Lekaeneako Egoitza: orain arte arratsaldez soilik eskaintzen zuten atezaintza zerbitzua. Orain, 5 orduz egongo da zerbitzua. Astelehenetik ostiralera 10:30etatik 12:30etara eta 16:30etatik 19:30etara.
- Luis Mariano Udal Zentro Soziala: zortzi orduko zerbitzua eskainiko dute. Astelehenetik ostiralera 09:30etik 13:00etara eta 15:30etik 20:00etara. Gainera, asteburuetara zabaldu dute ordutegia, larunbatetan 10:00etatik 12:00etara eta 17:00etatik 19:00etara. Igandetan, berriz, arratsaldeko zerbitzua soilik eskainiko dute 17:00etatik 19:00etara. Jaiegunetan ez da zerbitzurik izango.
- Iraso Udal Zentro Soziala: orain arte ez zuten atezaintza zerbitzurik eskaintzen. Orain, ordea, astelehen eta asteartetan 18:00etatik 19:00etara, asteazkenetan 09:00etatik 13:00etara eta 15:00etatik 19:00etara, eta asteburuetan 17:00etatik 19:00etara eskainiko dute.
