'Izan harrera' proiekturako boluntario bila dabiltza
Gipuzkoako SOS Arrazakeria eta Zehar-Errefuxiatuekin elkarteak 'Izan harrera' proiektuaren hirugarren edizioari ekin nahi diote eta mentoreak behar dituzte.
Izan harrera proiektua. Gipuzkoako SOS Arrazakeria eta Zehar-Errefuxiatuekin elkarteak Izan harrera proiektuaren hirugarren edizioa prestatu dute. Izan harrera bertako indibiduo zein familien laguntzarekin, errefuxiatuak gizarteratzen laguntzeko helburua duen mentoretza programa da.
Tokiko bizilagunekin harremanetan jarriz, errefuxiatuak berdintasunean gizarteratzea ahalbidetuko dute eta mentoreek uneoro beharrezko baliabide eta laguntzak izango dituzte.
Aurten, Izan harrera proiektua Gipuzkoako zenbait herritan jarriko dute abian: Errenterian, Pasaian, Villabonan, Tolosan eta Irunen.
Hilaren hasieran, 4tik eta 6ra, mentoretza kongresu bat antolatu zuten Iruñan, boluntarioek egin beharreko lanen nondik norakoak ezagutzeko eta oinarrizko formakuntza bat jasotzeko.
Oraindik ere proiektu honen parte izango diren pertsonen laguntzaren bila dabiltza. Gipuzkoako SOS Arrazakeria eta Zehar-Errefuxiatuekin elkarteekin harremanetan jartzeko bidali email bat edo deitu 943321811 zenbakira.
