Alkatea Arbes auzoan izango da aste honetan
Egunotan proposamenak izateko aukera izango dute herritarrek, eta alkateak ostegunean bisitatuko du auzoa.
Alkatea Auzoetan kartela: Arbes Alkatea auzoetan programaren barruan, aste honetan Arbes auzoa bisitatuko du Jose Antonio Santano alkateak. Egunotan auzotarren euren proposamenak egiteko aukera izango dute hainbat bidetatik. Aurrez aurre egin nahi izanez gero, auzoan jarriko duten karpara hurbildu ahal izango dira, bihartik aurrera egongo da eskuragarri, Leandro Agirretxeren plazan. Webgunearen bitartez ere igorri ahal izango dituzte euren iradokizunak, irun.org-n.
Alkateak ostegunean ibiliko da auzoan barrena, auzo elkarteko kideekin batera.
Aurretik, Behobian, Urdanibian, Elitxu-Lapitzen eta Oinaurren, San Migelen, Santiagon, Alde Zaharrean eta Anaka-Puianan izan da alkatea. Azken bisita Anaka-Puianara egin zuen, eta eskaera gehienak hiri mantenuarekin eta lorezaintzarekin lotutakoak izan dira. Horrela, hainbat esku hartze egingo ditu udalak: Soroxartako parkean nahiz Letxunborro hiribidean eserleku gehiago jarri baita farola eta paperontziak konpondu edo ordezkatu. Jasotako iradokizun guztiak irun.org-n daude.
