'Trenway', trenbideari lotutako hiri eraldaketari buruzko jardunaldia
Hilaren 11n, Ficoban egingo da 'Trenway' jardunaldia eta bertan, hitzaldiak eta mahai inguruak egongo dira.
Rafaela Romero, Jose Antonio Santano eta Monica Alday 'Trenway' jardunaldiaren aurkezpenean. Gaur goizean Trenway ekitaldia aurkeztu dute Jose Antonio Santanok, Irungo alkateak, Rafaela Romerok, Mugikortasuneko eta Lurralde Antolaketako diputatuak, eta Monica Aldayk, Trenwayren zuzendariak. Haien iritziz, Trewnway-k inoiz baino gaurkotasun handiagoa du, izan ere, deskarbonizazio estrategietatik eratorritako mugikortasuna aldatzen ari da eta hiriak eredu jasangarri berriak eratzeko prozesuan daude.
Trenway, duela 12 urtetik egiten den trenbidearen jardunaldi berbera da, baina aurten, izena eta irudia aldatu dituzte. Hala ere, ekitaldiak helburu berdinak izaten jarraituko duela azaldu dute aurkezpenean: jardunbide egokien esperientziak entzutea eta irtenbide zein kudeaketa eredu berriak ezagutzea. Bertan, hiriek, enpresa pribatuek, eragile teknologikoek eta erakunde publikoek parte hartuko dute.
Alkateak azaldu duenez, ADIFen nazioarteko geltoki berria hartuko dute abiapuntutzat. Bestalde, Rafaela Romerok beharrizan berrietara egokitzea “oso garrantzitsua” dela azaldu du eta jardunaldi honek horretarako balio izango duela.
Hilaren 11n egingo den jardunaldian, hitzaldiak eta mahai inguruak egongo dira eta bi gai izango dituzte hizpide. Alde batetik, trenbidean oinarritutako hirien eraldaketa estrategiak eta beste aldetik, trenbide industriak ekonomia bultzatzeko faktore gisa duen gaitasuna.
Programa osorik ezagutzeko egin klik hemen.
