Eskualdeko eskubaloi zaleek hitzordu garrantzitsua dute biharko
Hondarribiarrek, etxeko zelaian, Open Cup finalaurrekoa jokatuko dute Bidasoaren aurka. Harmaila teleskopikoak irekiko dituzte ikusleentzat.
Ilcapo Hondarribiako jokalariak, Bidasoaren aurka jokatu zutenean martxoaren 16an. Bihar, Open Cup txapelketaren finalerdia jokatuko dute Ilcapo Hondarribia-Bidasoa eta Bidasoa Irun eskubaloi taldeek. Partida 19:30ean hasiko da, eta zale asko gerturatuko direla uste dutelako, harmaila teleskopikoak irekiko dituzte.
Horrez gain, beste zenbait partida jokatuko dituzte Hondarribia Eskubaloi talde desberdinek hilabete honetan. Larunbat honetan, 13:00etan haur kategoriakoak Leizaran Horiaren aurka ariko dira; 17:00etan kadeteak Urkunde Elgoibarrek kontra; 19:00etan seniorrek Tolosa C.F izango dute aurkari.
Maiatzaren 15ean, igandea, 10:00etan gazteek Deuko Izarra Elgoibar hartuko dute etxean; aldiz, seniorrek 12:00etan Ormaiztegi kirol elkartea izango dute etxean.
Maiatzaren 29an, haur kategoriakoak Txingudi eskubaloiaren kontra lehiatuko dira 10:00etan. 12:00etan berriz ere seniorrekoek hartuko dute kantxa Pizzeria Salento Elgoibarrekin batera.
