AP8 errepidea itxiko da Irunen, Oiartzunen eta Pasaian
Hilaren 24, 25 eta 26an izango dira itxierak, bide-zoruak berritzeko egingo dituzten lanak amaitu arte.
Irunen, Oiartzunen eta Pasaian AP-8 errepidean bide-zoruak berrituko dituzte. Hilaren 24, 25 eta 26an AP-8 autobideko Irun, Oiartzun eta Pasaiako sarrera eta irteeretan bide-zoruak berrituko dituzte, eta lanak irauten duten bitartean gauez itxita egongo dira. 24ko itxiera 22:00etatik 4:00etara izango da, eta Irun-Bentak sarrerari eragingo dio, Behobiako noranzkoan. Bigarren itxiera goizalde horretan izango da, 00:00etatik 5:00etara. Kasu horretan, Oiartzungo irteerari eragingo dio, Behobiako noranzkoan ere.
25ean, astelehena, Oiartzungo sarbideko ordainlekuetan egingo dituzte lanak, Donostiarako noranzkoan. 22:00etatik 5:00etara egongo da itxita. Goizalde horretan baita ere, 00:30etatik 5:00etara N-121-A errepidetik (Irungo Zaisako biribilgunea) AP-8rako sarbidea ere itxi egingo da Behobiarako noranzkoan.
Azkenik, asteartean, hilak 26, Pasaiako Beraungo sarrerako itxita egongo da Behobiarako noranzkoan, 22:00etatik 5:00etara.
