3 hitzordu kultural Oiasso Museoan
'Kontaiguzu dakizuna' saioa, Ainara LeGardonen kontzertua eta VI. jardunaldi greziarra antolatu dituzte.
Oiasso Museoan hiru hitzordu izango dira hil honetan. Irungo Oiasso Museoan hiru hitzordu izango dira hilaren 28an, 29an eta 30ean.
Hilaren 28an Kontaiguzu dakizuna saioaren beste saio bat antolatu dute. Kultura eta arteen inguruan ezagutzak partekatzeka helburu duen hitzaldi-ziklo honetan, bi libururen aurkezpena egingo da: Magia contra la enfermedad en la Castilla tardomedieval, Olatz Etxeberria Mendizabalen doktore-tesia, eta Rebelión en Sicilia, Adur Intxaurrandieta Ormazabalek idatzitako eleberri historikoa
Hilaren 29an berriz Museoko Postu aretoan Ainara LeGardonek beste kontzertu bat eskainiko du, Musika Museoan programaren barnean. LeGardonek Res-cue. The archive in the mouth lanak eragindako hausnarketa eta ondorengo berrinterpretazioa eskainiko du zuzenean.
Azkenik, hilaren 30ean Oiasso Erromatar Museoan bertan VI. jardunaldi greziarra egingo da. Saioa Irungo Udal Kultura arloaren eta Periplo Elkarte Sozio Kultural Filohenikoaren arteko lankidetzan antolatu dute. Azken hau, Greziako kultura, natura eta herria ezagutzera emateko sortutako elkartea da.
