Bihar izango da Osasun Bidasoaren elkarretaratzea
Kirofanoen berehalako itxieraren aurrean, San Juan plazan elkartuko dira, 18:00etan, eta herritarrei parte hartzeko deialdia zabaldu diete.
![](https://bidasoa.hitza.eus/site/files/2022/03/osasun-bidasoa-elkarretaratzea-kartela.jpeg)
Osasun Bidasoa plataformak biharko elkarretaratzea deitua duela gogora ekarri du. Bidasoa Ospitaleko kirofanoak “berehala” itxiko dituztela ohartarazi du, eta egoera horren aurrean, beste behin protesta egingo dute: 18:00etan bilduko dira San Juan plazan.
Eskualdearen eskaerak “errespetatzeko” galdegingo dio plataformak Osasun Sailari, eta behin-behinean, bloke kirurgikoaren obrak bertan behera uzteko.