Arrantza ontziak astelehenean itsasora bueltatuko dira
Ez dira garraiolarien igandeko erabakiaren zain egongo eta lanean hasiko dira arrantzaleak.
Arrantza ontziak Hondarribiko portuan. Hondarribiko arrantza ontziak astelehenean lanera itzuliko dira, Bizkaiko eta Gipuzkoako beste guztiekin batera. Portuan geratu dira ontziak bi astez, eta igandean garraiolariek hartuko duten erabakiari erreparatu gabe hartu dute erabakia Eugenio Elduaien Gipuzkoako Kofradien Federazioko presidenteak eta Eusebio Arantzamendi Bizkaikoak azaldu dutenaren arabera.
Elduaienek BERRIA-ri esan dionez egoera “jasanezina” da, berdelaren eta antxoaren kanpainan daudelako, eta hortaz, itsasora itzultzea ez dela aukera bat adierazi du. “Antxoaren kasuan badugu tarte zabalago bat, baina berdelarekin ez; itsasontzien irismenetik gehiegi urrundu daitezke”.
Erlazionatutako edukia[Erreportajea] Motorrak itzaltzera behartuta
