Lehorrean geratu dira Hondarribiko arrain ontziak
Garraiolarien grebak eragina izan du ere arrantzan, eta astebeteko geldialdia egin dute arrantzaleek.
Arrantzaleak berdela deskargatzen Hondarribian Garraiolarien greba medio, aste honetan ez dira itsasoratuko Hondarribiko arrantza ontziak. «Irten, eta harrapatu eta gero ezin badugu antxoa garraiatu, kuota alferrik galtzen uztea da. Ez da gustuko neurria, baina horrela ezin gara irten», adierazi dio Gipuzkoako Arrantza Kofradien presidente, Eugenio Elduaienek BERRIA-ri.
Berdelaren kanpaina bete-betean dagoela egunotan azaldu du presidenteak, baita lehen antxoa preziatuak agertzen hasi direla ere, baina, hala ere, arrandegietara ez dela iritsiko aurreratu dute.
Beraiek ere gasolinaren igoera nabaritu dutela azaldu du Elduaienek, “gasolio litroa 1,15 euroan dago, eta iaz batez besteko prezioa 0,50ekoa zen”. Hala ere, garraiolarien greba dela lehorrean geratzeko arrazoia errepikatu du.
