Bidasoa biziriken 'Bidasoan ekiteko bekak' abian
Izen ematea 2022ko apirilarren 30erarte egin ahal izango da eta bekadunek 2.500 euro jasoko dituzte euren proiektuak aurrera eramateko.
Gaur goizean Bidasoa biziriken prentsaurrekoan. Bidasoa bizirik elkarte publikoak deialdi berri bat zabaldu du ideia berritzaileak dituzten pertsonei laguntza ekonomikoa emateko asmoz. Aurten, 15.000 euroko aurrekontua izango du proiektuak, hau da, azken urteetan baino 6.000 euro gehiago.
Miguel Angel Páezek, Bidasoa bizirikeko lehendakariak, azaldu duenez, “aurreko lau urteetako emaitza onek proiektu honetan lanean jarraitzera bultzatzen gaituzte” eta pertsona ekintzaileen potentziala, talentua, berrikuntza eta sormena bultzatuz, “ekintzailetza soziala eta ekonomia zirkularrerako transizioa” bultzatzen direla gaineratu du.
Bestalde, María Serrano Bidasoa bizirikeko lehenadakari ordeak beken beste helburuetako bat “proiektu bat abian jarri nahi duten pertsona askok aurkitzen dituzten oztopoak kentzea” dela nabarmendu du “hala nola, baliabide eza” eta “denbora eza”.
Iazko urtean bost beka eman ziren proiektu berritzaileetarako. Javier Aguirre eta Julene Iraola beka horien onuradunetako batzuk izan ziren, eta biak ala biak, positiboko baloratu dituzte iaz jasotako laguntzak. “Oso positiboa da coworking-ean lan egiten dugun pertsona ekintzaile guztien artean sortzen den giroa” eta “oso garrantzitsuak iruditzen zaizkit Bidasoa biziriketik eskaintzen dizkizuten harremanak” azaldu du Aguirrek, Al Composter proiektuaren sortzaileak. Bestalde, Julene Iraolak, Wave Back moda jasangarriko sortzaileak “asko lagundu” dietela eta ekintzaileak “oso ondo aholkatzen” dituztela adierazi du.
Bekak eskatzeko baldintzak honakoak dira:
- Irunen edo Hondarribian erroldatua egotea
- Jarduera Ekonomikoen gaineko Zergan alta emanda ez egotea
- Adin nagusikoa izatea
- Azken 3 urteetan bekaren onuraduna ez izatea
- Bi udalekiko zergak eguneratuak izatea
- Enpresa Irunen edo Hondarribian sortzeko konpromezua izatea.
Deialdian izena emateko epea dagoeneko zabalik dago eta apirilaren 30a bitarte egin ahal izango da.
Informazio gehiago eskuratzeko edo proiektuak aurkezteko, beren web orrian edo zuzenean harremanetan jarriz eskuratu dezakezue: 943509600 telefonoan edo ekintzailetza@bidasoa-activa.com helbidean.
