Irungo Udalaren adierazpen instituzionala Emakumeen egunean
Berdintasunaren Legea berritzea izan da Irungo Udalak, gaurko egunean, hartu dituen konpromezuetako bat.
Irungo Udaletxearen aurrean 2022ko elkarretaratzea. Martxoaren 8a dela eta, urtero bezala, Irungo Udalak adierazpen instituzionala egin du, berdintasunaren konpromezua indartze aldera. Adierazpen hau, aho batez onartu zuten Bozeramaile Batzordean.
Bertan, emakumeen eta gizonen berdintasuna “norbanakoen, kolektiboen eta erakundeen arteko elkarlana” dela eta “nork bere eragin-eremutik abiatuta, indarrak batuz, eta estrategiak partekatuz” lortuko dela adierazi dute. Gainera, “berdintasunerako legearen aldaketa” datorrela nabarmendu dute, eta horrek, “berdintasun politikak indartzea” ekarriko duela. Ondorioz, gizarte “berdinzaleago baterantz aurrera” goazela, eta bereziki, aurrera-pausu hori, Udaletik, Berdintasunerako V.planaren bitartez sustatuko dituzten neurrietan islatuko dela, aditzera eman dute.
Halaber, Irungo Udalak zenbait konpromezu hartu ditu, esaterako, berdintasunaren arloko politiken eta zerbitzuen diseinu zein plangintzan, aurrera egiteko, jarraipen eta ebaluazio mekanismoak bultzatzeko eta indartzeko, eta azkenik, jarraibideak eta gida lerroak egiteko ere.
Konpromezu horiek zehatzago ezagutzeko hurrengo esteka honetan adierazpen osoa irakurri ahal izango duzue.
