Hemen dira Inauteriak
Gaur, inauteriak hasiko dira Irunen Zanpantzarren etorrerarekin batera, 19:00etan. Asteartera bitartean, hainbat ekitaldi izango dira.
Euskal inauteriak Irunen (2020) Bi urte igaro dira azkeneko Inauteriak bizi genituenetik. Bi urte Zanpantzarrik gabe; bi urte mozorro nahiz konpartsarik gabe. Pandemiak utzi duen lehen zirrikitua aprobetxatuko dute Irunen, behintzat, jaiari aspaldiko partez tarte bat egiteko.
Gaur etorriko dira Inauteriak Zanpantzarren etorrerarekin batera. Bidasoaldeko Erraldoiak konpartsak prest du Zanpantzar (itsasargi itxura izango du), eta 19:00etatik aurrera, irundar guztiek ikusi ahal izango dute, Alberto Anguera plazatik irtenda. Ohi moduan, Zabaltza plazara arteko bidea egingo du, han, Erraldoien Dantza egiteko.
Etzi, Euskal Inauteriari tartea egingo diote goizean, eta arratsaldean, berriz, konpartsei. Horrez gain, Burrunba Elektro Txarangak jai giroa jarriko du San Juan plaza inguruan, 20:30etik aurrera.
Egitarau osoa hemen.
