Eva Queimaño 23 urtez azpiko Espainiako txapeldun pentatloian
BATek sei ordezkari izan ditu txapelketan, eta Queimaño galiziarrak 3.757 punturekin Galiziako marka hautsi du pista estalian absolutuan eta 23 urtez azpikoetan.
Eva Queimaño BAT Bidasoa Atletiko Taldeko Eva Queimaño pentatleta galiziarrak urrezko domina eskuratu du Salamancan jokatutako 23 urtez azpiko Espainiako Txapelketan. Altuera jauzian lehena izan zen, eta beste bi bigarren posturi esker, 3.757 puntu batu zituen. Txapelketa irabazteaz gain, Galiziako pista estaliko marka hautsi zuen bai absolutukoa baita 23 urtez azpikoetakoa ere.
Sei ordezkari eraman zituen BATek Salamancara, eta horien artean, Malen Orduñak, laugarren egin zuen pertikan, 3.85 metroko jauziarekin, bere marka hautsiz. Angela Castell (200m), Alazne Garrido eta Pau Blasi (400m) finalerako sailkatzeko puntuan izan ziren; Unai Gonzalezek ez zuen egun ona izan, eta hiru baliogabeko jauzi egin zituen pertikan.
Bestalde, Motrilen jokatutako Espainiako jaurtiketa luzeko txapelketan, BATeko Belen Bermejo zortzigarren geratu zen mailua 53,41 metrora jaurtiaz. Klubeko marka hautsi zuen.
Gipuzkoako txapelketan, 25 domina
Asteburuan Anoetako belodromoan jokatutako Gipuzkoako Pista Estaliko Txapelketan 25 domina eskuratu zituzten BATeko atletek, 16, 18 eta 20 urtez azpikoetan. Urrezko domina jantzi zuten 16 urtez azpikoetan Leire Martiarena (8.11s/60m), Izaskun Sanzek (1:44.69/600m) eta Naia Llorentek (1,54m/altuera); zilarrezkoa Liher Ugartemendia (7.54s/60m) eta Alaine Agerraldek (9,84s/60m hesi), eta brontzezkoa Jonvi Dendaluze (7.70s/60m), Nora Aramendi (10,02s/60m hesi), Liher Ugartemendia (39.16s/300m), Leire Martiarena (43.25s/300m) eta Nerea Lopezek (1:45.06/600m).
18 urtez azpikoetan, urrezko domina eskuratu zuten Beñat Mikelarena (22.47s/200m), Joaquin Alonso (8.38s/60m hesi), Aritz Zuazo (1,75m/altuera), Maren Salcedo (10,11m/jauzi hirukoitza) eta Luken Aizpuruak (5,78m/luzera), zilarrezkoa Luken Aizpurua (1,70m/altuera), Nerea San Millan (1,45m/altuera) eta Unai Martinek (11,28m/jauzi hirukoitza) eta brontzezkoa Eider Alzagak (1:00.68/400m), Iker Ibarguen (9:09.90/3.00m) eta Eider Etxanizek (4,54m/luzera).
Azkenik, 20 urtez azpikoetan zilarrezko dominaren itzuli ziren Eki Vicente (1,80m/altuera), Urko Navarro (52.56/400m) eta Irune Muguruzak (8,93s/60m hesietan) eta brontzezkoa Nikolas Gomezek (1,70m/altuera).
