Emakumeen Nazioarteko Eguna iragartzeko kartel lehiaketa antolatu du udalak
Egile bakoitzak lan bakarra aurkeztu dezake, otsailaren 12a baino lehen.
Iazko kartel irabazlea.
Martxoaren 8a Emakumeen Nazioarteko Eguna da, eta honen harira, berriz ere kartel lehiaketa antolatu du udalak. Bigarrena izango litzateke, eta iaz egin zen lehenengoak “erantzun ona” izan zuela adierazi du Gotzone Larrarte Berdintasuneko zinegotziak.
Irudi esanguratsu bat lortu nahi dute, eta baldintzen artean “2022ko Martxoaren 8a – Emakumeen Nazioarteko Eguna” ageri behar da, “argi eta garbi”. Horrez gain, bertikalean landu beharko da irudia, eta egile bakoitzak lan bakarra aurkezteko aukera du. Baldintza guztiak, txosten honetan jaso dituzte.
Lanak otsailaren 12a baino lehen aurkeztu behar dira, eta horretarako bi bide proposatu dituzte: BAZen edota helbide elektroniko honetara bidaliz.
