Marmoka taldearen 'Izpiak' abestia nahastu du EKTZ-k
2019an argitaratu zuen abestia taldeak, eta orain, EKTZ-k egindako abesti horren nahasketa kaleratu dute, bideoklip berri batekin batera.
Marmoka taldearen Plakton EPa, eta hortaz, lan horretan topa daitekeen Izpiak abestia, 2019an grabatu zuen Karlos Osinaga ‘Txap’ musikari eta musika ekoizleak. Orain, Bidasoaldeko taldeak abestia berreskuratu, eta Osinagaren ogibide bera duen EKTZ-ren esku utzi dute.
Bada, kantuaren remix bat da emaitza, eta EKTZ-ren “eroankortasunak eta energiak”, zilarrezko eta urrezko izpiak elkartu dituela dio Marmokak, “laser izpiak ugalduz”. Nahasketa honen bideoklip bat ere argitaratu dute, eta kantu eta bideoarekin lortzen den osotasun hori dela “norbanakoaren begi ninitik, burmuineraino” islatu nahi izan dutena dio taldeak.
