Hadrianoren harresiari lotutako ekintza gehiago antolatu ditu Oiasso Museoak
Bisita gidatua, batetik, eta, bestetik, Antoninoren Harresiari buruzko hitzaldia prestatu dituzte. Hadrianoren harresiari buruzko erakusketa hilaren 30era arte egongo da zabalik.
![](https://bidasoa.hitza.eus/site/files/2022/01/hadrianoren-harresia.jpg)
Oiasso Museoak bi ekintza antolatu ditu datorren asterako Hadrianoren harresiari buruzko erakusketaren harira.
Lehenengoa, asteazkenean, hilak 26, izango da, eta Maria Millan erakusketako komisarioak bisita gidatua egingo du, 18:00etatik aurrera. Izena emateko, museoarekin harremanetan jarri beharko da 943 63 93 53 telefono zenbakira deituta.
Egun horretan bertan izango da ere hurrengo ekintza: Antoninoren Harresiari (138-161 k.o.), buruzko hitzaldia emango du Jokin Lanz irakasleak, 19:00etatik aurrera. Harresi hori Hadrianorena baino iparralderago dago, Ingalaterran. 55 km luzeko harresia da, eta Forth ibai-ahoaren eta Clyde ibaiaren artean dago. Babestutako lurretatik irabazi gehiago lortzen zirenez mantentze-kostuagatik, Antonino hil zenean, harresia utzi zute, muga berriro Hadrianoren etxera bueltatuz.
‘Kontaiguzu dakizuna’
Bueltan da Kontaiguzu dakizuna ekimena ere, eta hilero izango da azken ostegunetan, 19:00etatik aurrera. Horiek helburua da boluntarioek historia, arkeologia, pertsonaia historiko edo bestelako gaiei buruzko ezagutza partekatzea 30 minutuko hitzaldietan.
Hurrengo hitzaldia hilaren 27an izango da, 19:00etatik aurrera. Bertan, Denis Alvarez Perez-Sostoa doktoreak heavy metalaren bidez historia azalduko du eta Noa Dadie Barronek Navajo Nazioaren Gobernuaren garapenaren berri emango du XVII.mendetik gaur egunera.