Bigarren eskualdaketako etxebizitza publikoa lortzeko itxaron zerrenda osatuko dute
Zozketa bidez egingo dute itxaron zerrendaren hurrenkera. Eskaerak, urtarrilaren 31 arte erregistratu daitezke, BAZen.
Bigarren eskualdaketako etxebizitza publiko baten parte izateko eskaera erregistratuta dutenen arteko zozketa egingo dute, hurrengo otsailaren 11n, udaletxeko Areto Nagusian, notario aurrean. Zehazki, familiako kideen arabera izena emana duten bizikidetza unitateen arteko zozketa da egingo dena.
Asmoa, bizikidetza unitate mota bakoitzerako zerrenda bat osatzea da, eta hurrenkera osatzerakoan, esleipenak egingo dituzte. Hala, ez dira etxebizitzak zozkatuko, itxarote zerrendaren ordena baizik, eta hortaz, ez dela baliogarria izango PRESA I-ean etorkizunean egingo diren etxebizitzetarako azaldu dute.
Etxebizitza publiko hauetan bizi ahal izateko izen ematea bi urtean behin berritu behar dela oroitu du udalak, eta egin ezean, kanpoan geratuko dira interesdunak. Inskribatzeko epea, urtarrilaren 31 artekoa da, eta BAZen bulegoan egin behar da.
