Expogrow, bueltan hurrengo urteko irailean
Datorren edizioan, hamar urte beteko ditu kalamuaren azoka honek, eta berezia izango dela diote antolatzaileek.
Expogrow 2016 Ficoban. Expogrow azoka, bi urtez ezin antolatu ostean, berriz egingo dute Ficoban datorren urteko irailaren 9, 10 eta 11n. Azken urte hauetan, osasun egoeragatik ezin izan da egin, baina hurrengo urteko irailean, segurtasun neurri guztiak beteta, egin ahalko dela azaldu dute.
Hamar urte beteko ditu kalamuaren inguruko feria honek, eta berezia izatea espero dute antolatzaileek. Beste behin, negozioak, B2B harremanak, eztabaida, berrikuntza, dibertsioa eta musika bueltan izango direla aurreratu dute. Gainera, jada izena eman dezakete bertan erakusleiho bat jarri nahi dutenek.
