Larreaundiko neguko jaia, larunbatean
Olentzero joango da auzora eta gutunak emateko aukera izango da, 18:00etatik aurrera.
Abenduaren 18an, Larreaundiko neguko jaia elkarrekin ospatzeko deia egin du Larreaundi-Olaberriako auzo elkarteak. “Bakardadea eta isolamendua” areagotu diren garai hauetan, komunitatea “sendotzeko” aukera eskaini nahi dute proposamen honekin.
Auzoa “elkarbizitza on baterako” heldulekua izan daitekeela uste dute antolatzaileek. Elkartzeko helburuarekin, beraz, neguarekin zerikusia duten eta haien komunitatean errotuak dauden jarduerak egingo dira.
Ekintzak honako hauek izango dira:
- 18:00etan bizikleta martxa egingo dute, Olentzero eramaten duten bitartean. Balazta elkartetik abiatuko dira, (Euskal Herria hiribidea, 12).
- 19:00etan Olentzerori gutunak emateko txanda, eta bertso musikatuak eta kantaldia eskainiko dituzte ere. Farmazia ondoko plazan izango da (Vega de Eguzkitza, 23).
