Osasun sailburuari bilera bat eskatu diete, Bidasoa ospitalearen inguruan hitz egiteko
Udal bozeramaile eta alkateak, Osasun Bidasoa plataformarekin eta ospitaleko gerentearekin hitz egin ostean, bilera bat egiteko eskaera egin diete Gotzone Sagardui, Osasun sailburuari.
Udal talde guztietako bozeramaileak eta Jose Antonio Santano alkatea, Osasun Bidasoa plataformarekin bildu ziren ostegunean, taldearen “analisiaren berri izateko eta haien eskaerak jasotzeko”, azaldu dute.
Gaur ospitaleko gerentearekin elkartu dira, eta Bidasoa ospitalean datozen urteetan egingo dituzten inbertsioen berri eman die ospitaleko ordezkariak.
Behin datu horiek jakinda, bilera bat egiteko eskatu diote Eusko Jaurlaritzako Osasun sailburuari. Hitzordu horretara joateko gonbita luzatu diote ere Hondarribiko udalari.
