Bertsoak eta hizketaldia dira gaurko proposamenak, euskararen erabileran eragiteko
Helduek haurren aurrean dituzten hizkuntza ohituretan eragiteko, saio parte hartzailea eta bertsoak Irunen zehar.
Umeen hurbileko helduen arteko hizkuntza portaeran eragiteko asmotan saio parte hartzailea antolatu du udalak gaurko, Topagunearekin elkarlanean. Haurren aurrean helduok heldu ekimenaren baitan sortu dute jarduera, eta Maddalen Aristegi euskararen normalizazioan aritzen den irakasle eta psikologoak gidatuko du saioa, Oiasso museoan 17:30ean hasita.
Bertsotarako astia ere izango da Alaia Martin eta Sustrai Colinaren eskutik. San Juan plazatik abiatuko dira gaur 17:30ean, eta hortik Zabaltza plazara eta Luis Marianora joango dira: “Umeen hurbileko helduen arteko hizkuntza portaeren gainean helduak sentiberatzen”.
