Lehia gogorra du aurretik Txingudi Zaisa errugbi taldeak
Bihar jokatuko du etxeko taldeak Iruñeko La Unionen aurka.
Iruñeko La Unicaren aurka jokatuko du bihar Zaisa Txingudi errugbi taldeak. Lehen mailako 6. jardunaldia izango da, eta partida 16:00etan hasiko da, Plaiaundiko zelaian.
Lehia gogorra dute aurretik etxekoek, azken bost partiduak galdu dituzte-eta. Gainera, Txingudik min hartuta dauzka hainbat jokalari Sararen kontra jokatu ostean, baina taldea indartzeko Xabi Sanchez eta Ramon Bergua gehitu zaizkie.
16 eta 18 urte azpikoentzat ere partidu eguna izango da larunbata, bi taldeak Logroño Riojaren aurka arituko direlako, 11:30ean eta 12:45ean, hurrenez hurren.
Bestalde, 12 eta 10 urte azpikoek Eibarko errugbi eskolen topaketan parte hartuko dute. Aldiz, 14 urte azpiko neska mutilek atseden hartuko dute.
