Mozio bat aurkeztuko du udal gobernuak, Interes Publiko Goreneko Proiektua babesten duen legeari zuzenketa bat egiteko
Udalen autonomiari eragingo liokeela argudiatuz, mozioa aurkeztuko du udal gobernuak ostiral honetan. Eusko Jaurlaritza onartzera doan Ingurumen Administrazioaren Lege proiektuan EUDELekin elkarrizketa irekitzeko zuzenketa egitea eskatuko dute.
Azaroaren 5an Eusko Jaurlaritzak Ingurumen Administrazioaren Lege proiektuari zuzenketa bat gehitu zion, eta ondorioz, herrietako lurralde plangintza bertan behera uztea erabaki ahalko du Gasteizko gobernuak, Interes Publiko Goreneko Proiektua (IPGP) izendatuta.
Erabaki honen aurrean, udalek hiriko plangintza egokitu, horri barne aldaketak egin eta lurralde antolamenduko tresnak saihestu beharko dituzte proiektu horiek bateratzeko.
Irungo udal gobernuak mozio bat aurkeztuko du ostiralean, Elkarrekin Podemos Ezker Anitza-IUren iniziatibaz, aipatutako Lege proiektua behin betiko onartu aurretik zuzenketa egin dezaten, eta proposatuko dute EUDEL erakundearekin elkarrizketa sortzeko aukera egon dadin IPGPk izendatu baino lehen.
Lege proiektu honek udal autonomiaren printzipioa urratu egiten duela uste du koalizioak, eta Eusko Jaurlaritzari ingurumen eta toki antolamenduko arauen aurkako proiektuak onartu ahal izatea ahalbidetzen diola azaldu dute.
Beraz, funtsezkoa dela EUDELekin kontsultatu ahal izatea defendatu dute, egin ezean erreformak “oso eragin kaltegarria” izango luke tokiko gobernuen autonomian, “zapalketa” izango zelako.
