'Hauts' dokumentala estreinatuko dute Kabigorrin
Amiantoak garatutako asbestosia gaixotasunaren biktimetako bat izan zen Celestino Tolosa. Orain, bere alabak, Otsanda Tolosak, gaixotasunaren bilakaeraz hitz egingo du.
Otsanda Tolosa, amiantoaren eraginez gaixotu eta hil zen Celestino Tolosaren alaba, 'Hauts' dokumentalaren filmaketan. Argazkia: Gipuzkoako HITZA. Ostegun honetan, Hauts dokumentalaren estreinaldia egingo dute Kabigorri ateneoan, 19:30ean.
Otsanda Tolosa, CAF-eko langilea zen Celestino Tolosaren alaba da. Bere aitak asbestosia, arnas gaixotasun kronikoa, garatu zuen lanean egon zen urteetan, minbizia izatera iritsi arte.
Istorio honetan bere aitaren bilakaera kontatuko du alabak, arlo pertsonal guztietan nola bizi izan zuten, zehazki. Aldi berean, ahotsa emango die amiantoaren eraginez kaltetuak izan diren beste biktima batzuei.
