Lapitze, Meaka eta Olaberriako landa bide zati batzuk konpontzen ari dira
Mugikortasuna hobetzeko helburuarekin, Lapitze, Meaka eta Olaberriako bide zati batzuk konpontzen ari direla eman du jakitera Obra arloak.
Lapitze, Meaka eta Olaberriako landa bide zati batzuk konpontzen ari direla jakinarazi du udaleko Obra arloak. Lan hauen helburua mugikortasuna hobetzea da, eta horretarako, hormigoia erabiltzen ari dira, jada zolagain hori dagoen lekuetan eta ez dagoenetan ere.
Lapitzeri dagokionez, Altamiratik Azpilikueta baserrira bidean dagoen 20 metroko zoru zatia da hobetzen ari direna; Olaberrian Meakara bidean dagoen 100 metroko zati bat; Meakan bi parte, bata Makatzagarako bidean dagoen pasatxoko bat, Burutaran baserrirako sarreretan, eta bestea Frantziun bideko 120 metro.
Landa bideen lan hauek azken urteetan egindako lanen jarraipena dela azaldu dute, eta zehaztu dute osotara 838.766,76 euro erabili dituztela 2015etik 2020ra bitarte. Oraingo hobekuntzetarako, aldiz, 73.785,80 euro erabiltzen ari dira eta Mikel Telletxea Juani esleitu diote eginbeharra.
