Ficoauto ibilgailuen azoka, asteburu honetan
Ibilgailuak ikusteko eta erosteko aukera egongo da, 20 kontzesionario baino gehiagoren eskaintzekin.
Ficoauto ibilgailuen bederatzigarren azoka egingo dute asteburu osoan zehar Ficoban. Guztira 20 kontzesionariok eta 18 marka ofizialek hartuko dute parte, eta salerosketarako aukera izango da. Erakusketa zabala antolatu dute, gaur egun erabilgarriak direnetatik, SUV eta gama altuko berlinetaraino egongo dira ikusgai.
Antolatzaileek diote urte amaiera autoa estreinatzeko “unerik onena” dela, markek eta kontzesionarioek eskaintzak egiten dituztelako, stocka likidatzeko asmoarekin. Honetaz gain, oraingo testuinguruak ez duela kotxeak erosten laguntzen azaldu dute ere, pieza eta osagai batzuen falta dagoelako, eta ondorioz, entregetan atzerapenak izaten ari direlako.
