Ordezkaritza eta garaipen bidasoarra Espainiako 2021eko Kenpo Txapelketan
Ane Amunarriz eta Ekhi Lekuona hondarribiarrek bina domina eskuratu dituzte; Aimar Lacabanne irundarrak ere parte hartu du txapelketan.
Amunarriz, Lekuona eta Lacabanne Guadalajarako kenpo txapelketan.
Irungo Club Washiken Kenpo-kai taldeko Ane Amunarriz, Ekhi Lekuona, eta Aimar Lacabanne kideek Espainiako 2021. urteko Kenpo Txapelketan parte hartu dute, Guadalajaran (Gaztela Mantxa, Espainia). Amunarrizek brontzea eskuratu du borroka jarraituan, eta brontzea puntu borrokan; Lekuonak, bere aldetik, zilarra jaso du borroka jarraituan, eta brontzea puntu-borrokan. Gazte mailan lehiatu dira bi hondarribiarrak.
Aimar Lacabanne irundarra, bere aldetik, munduko bi txapeldunen aurka lehiatu zen Guadalajaran, eta maila altua erakutsi zuen arren, dominarik gabe itzuli zen azkenean etxera.
