Erandioko sexu erasoa salatu du M8 Asanblada Feministak
Igande goizean izan zen erasoa. M8 Asanblada Feministak "ez dela ez" gogorarazi du.
Ez beti da ez M8 Bidasoaldeko Asanblada Feministak Erandion (Bizkaia) igande goizaldean gertatutako sexu erasoa gaitzetsi du. Asanblada Feministaren arabera, berriro emakumeek argi eta ozen gogorarazi behar dute “ez dela ez”. Era berean, biktima eta haren senideei “besarkada bero bat” bidali die, eta biktimari adierazi diote ez dagoela bakarrik.
Erasoa aisia gune batetik ateratzerakoan izan zen, parking batean. Gazte batzuek emakumea artatu zuten, eta Ertzaintzara deitu zuten. Patruila hurbildutakoan, emakumea ospitalera eraman zuten.
25 urteko gizona Santurtzin atxilotu zuen sexu-erasoa delitua leporatuta, eta, ondoren, epaitegien esku utzi zuten. Europa Pressek argitaratu duenez, gizonezkoa aske utzi zuten atzo epailearen aurrean deklaratu ondoren.
