Herceren hurbilekoei "doluminak" helarazi dizkie EH Bilduk
"Hunkituta gaude, gertakari lazgarria da eta galera izugarria", adierazi du koalizio abertzaleak ohar baten bidez.
Hondarribiko EH Bilduren udal taldeak “doluminak” helarazi dizkie Sonia Herceren senide eta lagunei zein Hondarribiko merkatariei. “Hunkituta gaude, gertakari lazgarria da eta galera izugarria”, erantsi du koalizio abertzaleak komunikabideetara igorritako oharrean. “Gugan bego”.
Portua proiektuaren inguruan ere mintzatu da oharrean udal taldea. Hiri Mugikortasun Plan Jasangarria (HMPJ) onartzeko aho batez lortutako kontsentsua “ez urratzeko” galdegiten diote bertan EAJren udal gobernuari, baita “plana ezartzeko ahalik eta parte hartze zabalena lortzea ere”.
Erlazionatutako edukiaSonia Herce Amuitz merkatarien elkarteko idazkaria zendu da
